Жаҳон чемпионати — 2026 нинг 1/16 финал баҳсида Аргентина терма жамоаси Кабо-Верде миллий терма жамоаси билан тўқнаш келади. Ушбу учрашув ҳақида «альбиселесте» устози Лионель Скалони ўз фикрларини билдириб ўтди.
«Жамоа ҳозирда тўлиқ шай ҳолатда. Албатта, ўйин олдидан бироз ҳаяжон бор. Бизга қарши яхши шаклланган терма жамоа майдонга тушади. Плей-офф ўйинларида хатоларга ўрин йўқ. Бу мағлубият чиқиб кетишни англатувчи баҳс эканлигини жуда яхши тушуниб турибмиз. Кабо-Верде терма жамоаси ушбу Жаҳон чемпионатида ҳали мағлубиятга учрамади. Улар қарши ҳужумларда маҳорат билан ҳаракат қилишади ва яхши ҳимояланишади. Уларнинг таркибида юқори техникага эга футболчилар бор», - дея мутахассиснинг сўзларини келтиради La Nacion нашри.
Аргентина – Кабо-Верде учрашуви 4 июль куни бўлиб ўтади, ўйин Тошкент вақти билан соат 03:00 да бошланади.
