Москванинг «Спартак» клуби собиқ дарвозабони Ринат Дасаев 2026 йилги жаҳон чемпионати 1/8 финалидаги Португалия — Испания учрашуви ҳақида фикр билдирди. Шунингдек, у португалиялик ҳужумчи Криштиану Роналдунинг ўйинига ҳам баҳо берди.

«Мен учун Испания Португалияга қарши жуфтликда фаворит ҳисобланади. Мен уларга мухлислик қиламан ва ғалаба қозонишини истайман. Роналдунинг ўйини ҳақида гапирадиган бўлсак, у терма жамоа ўйинини секинлаштирмаяпти, аксинча, гол урмоқда. Ҳа, эҳтимол, Криштиану аввалгидек эмасдир, лекин таркибни танлашда бош мураббийга вазият яхшироқ кўринади», — деди Дасаев «Чемпионат» мухбири Александр Ершовга берган интервьюсида.

Эслатиб ўтамиз, Португалия — Испания ўртасидаги 1/8 финал баҳси 6 июль куни бўлиб ўтади.