«Арсенал» жамоаси сардори Мартин Эдегор шу ёзда Туркиянинг «Галатасарой» клубига ўтишни режалаштирмаяпти, деб хабар бермоқда Goal.com нашри.

Эҳтимолий трансфер ҳақидаги гап-сўзлар ёлғон бўлиб чиқди. Шу ҳафта Туркия ОАВларида «Галатасарой» «Арсенал» юлдузига қизиқиш билдираётгани ҳақида миш-мишлар тарқалган эди. Ҳатто футболчи ва клуб ўртасида шахсий шартнома шартлари келишиб олингани ҳам иддао қилинди. Бироқ Goal.com манбаларига кўра, ушбу маълумотлар ҳақиқатга мутлақо тўғри келмайди.

Эдегор «Арсенал»да қолишни истайди, клуб раҳбарияти эса ўз капитанини жамоада сақлаб қолишдан мамнун. 27 ёшли ярим ҳимоячи 2021 йилдан буён «канонирлар» шарафини ҳимоя қилиб келмоқда. Бу давр мобайнида хавбек «Арсенал» либосида умумий ҳисобда 234 та учрашувда майдонга тушиб, 42 та гол уришга эришган.