Кабо-Верде терма жамоаси дарвозабони Возинья ижтимоий тармоқларда Жаҳон чемпионати — 2026нинг энг машҳур посбони бўлиб турибди.
Мундиалнинг плей-офф илк раундида Аргентинага бой берилган учрашувдан сўнг, унинг обуначилари сони 19,6 миллион кишига етди. Ушбу кўрсаткич бўйича африкалик дарвозабон Мадриднинг «Реал» клуби ҳамда Бельгия терма жамоаси юлдузи Тибо Куртуани ортда қолдирди. Бельгиялик посбонга айни дамда 18 миллион киши обуна бўлган.
Эслатиб ўтамиз, Кабо-Верде терма жамоаси кескин кечган курашда Аргентинага имкониятни бой бериб (қўшимча бўлимларда 2:3), Жаҳон чемпионатини тарк этди. «Альбиселесте» эса кейинги раундга йўл олди ва у ерда Миср терма жамоаси билан тўқнаш келади.
