Ҳимоячи Рубен Диаш шу ёзда «Манчестер Сити» клубини тарк этиши мумкин.

TransferFeed нашрининг тарқатган маълумотларига кўра, «Арсенал» португалиялик футболчини ўз сафига қўшиб олишга қизиқиш билдирмоқда. «Канонирлар» Диашга жиддий эътибор қаратмоқда, шу сабабли Жаҳон чемпионати якунланганидан сўнг ҳимоячининг трансфери бўйича расмий таклиф билан чиқишга тайёр.

Рубен Диаш 2020 йилда «Бенфика»дан 71 миллион евро эвазига «Манчестер Сити»га ўтган эди. Унинг «шаҳарликлар» билан ҳозирги шартномаси 2029 йилнинг 30 июнига қадар мўлжалланган. Ортда қолган 2025/26 йилги мавсумда ҳимоячи «шаҳарликлар» сафида барча мусобақаларда 33 та ўйинда майдонга тушиб, 2 та гол урди.

Навбатдаги трансфер ойнаси олдидан Transfermarkt портали португалиялик футболчининг қийматини 55 миллион еврога баҳоламоқда.