Италиянинг «Милан» клуби «Ливерпуль» сардори Виржил ван Дейкни клубни ўзгартиришга кўндириш умидида унга йилига 7 миллион евро маош тўлашга тайёр. Нидерландиялик мудофаа қўрғонининг шартномаси келгуси йили якунига етади ва катта эҳтимол билан узайтирилмайди.
Қолаверса, ван Дейкнинг ўзи ҳам «Ливерпуль»даги саккиз мавсумдан сўнг янги чақириқларни синаб кўришни истаётган бўлиши табиий. Келаси ҳафтада у 35 ёшни қарши олади — бу ёшда жисмоний юкламаларни камайтириш ҳақида ўйлаш керак ва Италия чемпионати Англия Премьер-лигасига қараганда ушбу зарурат сари қўйилган тўғри қадам бўла олади.
Эслатиб ўтамиз, якунланган мавсумни «Милан» А Серияда бор-йўғи бешинчи ўринда якунлади.
