Мюнхеннинг «Бавария» клуби ва Колумбия терма жамоаси вингери Луис Диас 2026 йилги жаҳон чемпионатидаги ҳозирги жисмоний ҳолатига баҳо берди.
«Ўзимга бўлган ишончим ҳали тўлиқ қайтгани йўқ. Аммо мен бу ерда Колумбия халқига ваъда бераман: улар умидларини узмасликлари керак. Мендан нима кутишаётганини жуда яхши биламан!» — дея Диасининг сўзларини келтиради Actu Foot ижтимоий тармоқларда.
Давом этаётган ЖЧ-2026 да Луис Диас тўртта ўйинда майдонга тушиб, ўз ҳисобига битта гол ва битта голли узатмани ёздириб қўйди.
ЖЧ-2026 мусобақаси 11 июндан 19 июлгача Мексика, АҚШ ва Канадада бўлиб ўтмоқда. Турнирнинг 1/8 финалида Колумбия Ванкувердаги «Би-Си Плэйс» стадионида Швейцария терма жамоасига қарши майдонга тушади. Учрашув 7 июль, сешанба куни Тошкент вақти билан 8 июлга ўтар кечаси соат 01:00 да бошланади.
