«Фрайбург» клуби ва Швейцария терма жамоаси ярим ҳимоячиси Йохан Манзамби «Манчестер Юнайтед» қизиқишлари доирасига тушиб қолди.
«Қизил иблислар» 20 ёшли футболчининг муваффақиятларини анчадан бери кузатиб келишмоқда. Журналист Крэйг Хоупнинг хабар беришича, Англия гранди вакиллари ушбу истиқболли ярим ҳимоячининг ўйинларидан лол қолишган. Шунингдек, футболчига «Ньюкасл» клуби ҳам даъвогарлик қилмоқда.
Машҳур Transfermarkt портали экспертлари Йохан Манзамбининг трансфер баҳосини 50 миллион еврога баҳолашмоқда. Футболчи ҳозир бўлиб ўтаётган Жаҳон чемпионатида ўзини кўрсатишга улгурди: у Швейцария терма жамоаси сафида тўртта учрашувда майдонга тушиб, ўз ҳисобига 3 та гол ва 2 та голли узатмани ёздириб қўйди. Эслатиб ўтамиз, Швейцария 1/8 финалда Колумбияга қарши баҳс олиб боради.
