«Frayburg» klubi va Shveysariya terma jamoasi yarim himoyachisi Yoxan Manzambi «Manchester Yunayted» qiziqishlari doirasiga tushib qoldi.
«Qizil iblislar» 20 yoshli futbolchining muvaffaqiyatlarini anchadan beri kuzatib kelishmoqda. Jurnalist Kreyg Xoupning xabar berishicha, Angliya grandi vakillari ushbu istiqbolli yarim himoyachining o‘yinlaridan lol qolishgan. Shuningdek, futbolchiga «Nyukasl» klubi ham da’vogarlik qilmoqda.
Mashhur Transfermarkt portali ekspertlari Yoxan Manzambining transfer bahosini 50 million yevroga baholashmoqda. Futbolchi hozir bo‘lib o‘tayotgan Jahon chempionatida o‘zini ko‘rsatishga ulgurdi: u Shveysariya terma jamoasi safida to‘rtta uchrashuvda maydonga tushib, o‘z hisobiga 3 ta gol va 2 ta golli uzatmani yozdirib qo‘ydi. Eslatib o‘tamiz, Shveysariya 1/8 finalda Kolumbiyaga qarshi bahs olib boradi.
