Франция терма жамоаси ҳужумчиси Килиан Мбаппе Жаҳон чемпионатларидаги сермаҳсуллиги билан ҳайратда қолдиришда давом этмоқда.
Мадриднинг «Реал» клуби футболчиси яна гол урди — бу сафар у 1/8 финал доирасидаги Парагвайга қарши учрашувда (1:0) ўз номини таблога ёздириб қўйди. Францияликлар форварди иккинчи бўлимда пенальтини аниқ амалга оширди.
Шу тариқа, Мбаппе 2018 йилги дебютидан бошлаб Жаҳон чемпионатларининг плей-офф босқичида урган голлари сонини 11 тага етказиб олди. Opta нашрининг қайд этишича, бу худди шу давр оралиғида Бразилия, Англия (иккаласида ҳам 10 тадан), Португалия (9) ва Испания (4) терма жамоалари урган голлардан кўпроқдир. Тилга олинган ушбу тўртта терма жамоа ҳам жорий мундиалда ўз иштирокини давом эттирмоқда ва Франция каби турнир фаворитлари қаторида эътироф этиляпти.
Килиан Мбаппе айни дамда 7 та гол билан Лионель Месси билан биргаликда ЖЧ-2026 нинг энг яхши тўпурарлари рўйхатида биринчи ўринни бўлишиб турибди.
