Каталониянинг «Барселона» клубида тўп сурувчи испаниялик хавбек Гави аргентиналик ҳужумчи Хулиан Альвареснинг «Атлетико»дан «кўк-анорранглилар» лагерига ўтиши мумкинлиги борасида ўз фикрини билдирди.
«Бу амалга ошади деб умид қиламиз. Менимча, Хулиан ўз келажаги қандай бўлишини ўзи ҳал қилади. Унинг орзуси — «Барселона»да ўйнаш. Бу содир бўлса, яхши бўлар эди», — дея ярим ҳимоячининг сўзларини Mundo Deportivo нашри келтирмоқда.
26 ёшли ҳужумчи 2024 йилнинг август ойидан буён «матрасчилар» (Мадриднинг «Атлетико» клуби) шарафини ҳимоя қилиб келмоқда. Томонлар ўртасидаги меҳнат шартномаси 2030 йилнинг июнь ойи охирида якунига етади. Альвареснинг бозор қиймати Transfermarkt портали томонидан 100 миллион еврога баҳоланган.
