«Ливерпуль» «Альмерия»нинг ҳужумкор ярим ҳимоячиси Серхио Аррибасга қизиқиш билдирмоқда. ideal.es портали берган маълумотларга кўра, инглиз клуби бир неча ҳафтадан бери 24 ёшли футболчи атрофидаги вазиятни кузатиб келаётган Лиссабоннинг «Спортинг» клубига шерик бўлди.

Аррибас «Альмерия» таркибида сермаҳсул мавсумни ўтказди. У барча турнирларда жами 46 та учрашувда майдонга тушиб, 26 та гол урди ва 7 та голли узатмани амалга оширди. Ҳозирча «Альмерия» расмий таклиф олгани йўқ.

Аррибас «Реал Мадрид» академияси тарбияланувчиси ҳисобланади, бироқ асосий жамоада ўйин амалиёти етишмагани сабабли 2023 йилда «Альмерия»га ўтган эди. Таъкидлаш жоизки, Мадрид клуби футболчининг кейинги трансфер суммасидан 50% улуш олиш ҳуқуқига эга.