«Эвертон» клуби «Челси» билан вингер Тайрик Жоржнинг трансфери бўйича келишувга эришди. BBC нашрининг хабар беришича, бонусларни ҳисобга олган ҳолда шартнома қиймати 35,1 миллион еврога етиши мумкин.

20 ёшли футболчи ўтган мавсумнинг иккинчи ярмини ижара асосида «ирислар» таркибида ўтказган эди ва ўшанда шартномага 29,25 миллион евролик сотиб олиш ҳуқуқи киритилганди. Эндиликда клублар шартларни қайта кўриб чиқишди: кафолатланган қатъий сумма тахминан 28,1 миллион еврони ташкил этади, яна 7 миллион евро эса футболчининг кўрсатадиган натижалари ва ўйинлар сонига қараб бонуслар сифатида тўланади. Шунингдек, «Челси» футболчининг кейинги сотувидан 15% улуш оладиган бўлди.

Аввалроқ англиялик ушбу футболчи «РБ Лейпциг»нинг қизиқишлар доирасида бўлиб турган эди. Бир йил олдин эса унинг 25 миллион евро эвазига «Фулхэм»га ўтиши сўнгги паллада бузилган эди.