Англия терма жамоаси ярим ҳимоячиси Жордан Хендерсон Жаҳон чемпионати — 2026 турнирининг 1/8 финали доирасида Мексика терма жамоасига қарши бўлиб ўтадиган бўлажак ўйин ҳақида ўз фикрларини билдирди.
«Тўғрисини айтсам, бу баҳсни мен фаолиятим давомида қатнашган бошқа бирор-бир ўйин билан солиштириб бўлади, деб ўйламайман. Ҳа, мен Чемпионлар лигасида, юқори даражадаги учрашувларда майдонга тушганман, аммо Мексика мезбонлик қилаётган Жаҳон чемпионатида ушбу мамлакат терма жамоасига қарши ўйнаш... бунга ҳеч нарса тенглаша олмайди. Шу боисдан ҳам бу жуда муҳим ва ўзгача учрашувдир. Менимча, айни дамда ҳамма ҳаяжонда ва бу ўйинни интиқлик билан кутмоқда.
Мен учун илк Жаҳон чемпионати 2014 йилда Бразилияда ўтган эди ва ҳозир кутишлар бутунлай бошқача. 2018 йилда биз ярим финалгача етиб боргандик ва бу бутун мамлакатни бирлаштирган эди. Биз янада кучлироқ бўлдик, чунки Европа чемпионатида икки марта финалга чиқишга муваффақ бўлдик», — дея Хендерсоннинг сўзларини келтиради ФИФА расмий сайти.
