Angliya terma jamoasi yarim himoyachisi Jordan Xenderson Jahon chempionati — 2026 turnirining 1/8 finali doirasida Meksika terma jamoasiga qarshi bo‘lib o‘tadigan bo‘lajak o‘yin haqida o‘z fikrlarini bildirdi.
«To‘g‘risini aytsam, bu bahsni men faoliyatim davomida qatnashgan boshqa biror-bir o‘yin bilan solishtirib bo‘ladi, deb o‘ylamayman. Ha, men Chempionlar ligasida, yuqori darajadagi uchrashuvlarda maydonga tushganman, ammo Meksika mezbonlik qilayotgan Jahon chempionatida ushbu mamlakat terma jamoasiga qarshi o‘ynash... bunga hech narsa tenglasha olmaydi. Shu boisdan ham bu juda muhim va o‘zgacha uchrashuvdir. Menimcha, ayni damda hamma hayajonda va bu o‘yinni intiqlik bilan kutmoqda.
Men uchun ilk Jahon chempionati 2014 yilda Braziliyada o‘tgan edi va hozir kutishlar butunlay boshqacha. 2018 yilda biz yarim finalgacha yetib borgandik va bu butun mamlakatni birlashtirgan edi. Biz yanada kuchliroq bo‘ldik, chunki Yevropa chempionatida ikki marta finalga chiqishga muvaffaq bo‘ldik», — deya Xendersonning so‘zlarini keltiradi FIFA rasmiy sayti.
