Миср терма жамоаси ҳужумчиси ва сардори Муҳаммад Салоҳ ЖЧ-2026да ҳар 90 дақиқага ўртача 4,26 та голли вазият яратмоқда. Шу тариқа, у турнир давомида камида 300 дақиқа майдонда ҳаракат қилган барча футболчилар орасида ушбу кўрсаткич бўйича етакчилик қилмоқда. Бу ҳақда Squawka'нинг X ижтимоий тармоғидаги саҳифасида хабар берилди.
ЖЧ-2026да ҳар 90 дақиқага яратилган голли вазиятлар бўйича кучли бешлик қуйидагича:
-
Муҳаммад Салоҳ (Миср) — 4,26;
-
Леандро Троссар (Бельгия) — 3,99;
-
Ян Диоманд (Кот-д'Ивуар) — 2,99;
-
Кевин Де Брёйне (Бельгия) — 2,99;
-
Флориан Вирц (Германия) — 2,98.
2026 йилги жаҳон чемпионати 11 июндан 19 июлга қадар АҚШ, Канада ва Мексикада бўлиб ўтмоқда.
Амалдаги жаҳон чемпиони Аргентина терма жамоаси ҳисобланади. Аргентиналиклар 2022 йил Қатарда бўлиб ўтган мундиал финалида Франция билан асосий ва қўшимча вақтда 3:3 ҳисобида дуранг ўйнаб, пенальтилар сериясида 4:2 ҳисобида ғалаба қозонган эди.
