«Манчестер Сити» клубининг собиқ голкипери Жо Харт BBC Radio 5 эфирида Англия терма жамоасининг ЖЧ-2026 чорак финалига чиққанини шарҳлади.
«Бугун қандай ажойиб кун бўлди! Охирги бир неча соат ичида шунчалик кўп воқеалар юз бердики, бу шунчаки ақл бовар қилмас даражада. Ҳозир бу йигитлар қандай туйғуларни ҳис қилаётганини тасаввур қилаверинг! Улар кейинги босқичга чиқиш учун энг муҳим фазилатларини — бардошлилик, қатъиятлилик ва юксак маҳоратни намойиш эта олишди.
Улар жамоавий бирдамлик ва бир-бирларини қўллаб-қувватлаш истаги ҳақида гапиришганди ва бугун буни амалда кўрсатишди. Йигитлар шунчаки ажойиб ўйин кўрсатишди», — деди Харт.
ЖЧ-2026 чорак финалида Англия турнирдан Бразилияни чиқариб юборган Норвегия терма жамоасига қарши майдонга тушади.
