«Тоттенхэм» яна бир қимматбаҳо трансферни амалга оширишни режалаштирмоқда. Журналист Алекс Крукнинг хабар беришича, «шпорлар» «Борнмут» ҳужумчиси Эли Жуниор Крупига даъвогарлик қилмоқда ва у учун 85 миллион фунт стерлинг (деярли 100 миллион евро) таклиф қилиши мумкин.

«Борнмут» раҳбарияти 20 ёшли чиқиб келаётган юлдузни ушбу трансфер ойнасида сотмоқчи эмаслигини бир неча бор таъкидлаган бўлса-да, Лондон клуби катта маблағ эвазига «гилослар»ни фикридан қайтаришга ҳаракат қилиб кўради.

Тарқалган хабарларга кўра, Эли Жуниор Крупига ПСЖ, «Барселона», «Арсенал», «Челси» ва Европанинг бошқа гранд клублари ҳам қизиқиш билдирмоқда. Transfermarkt портали келажаги порлоқ бўлган ушбу француз ҳужумчисининг трансфер қийматини 70 миллион еврога баҳоламоқда.