«Манчестер Сити»нинг мисрлик ҳужумчиси Омар Мармуш фаолиятини «Тоттенхэм»да давом эттириши мумкин.

CaughtOffside нашрининг хабар беришича, «Тоттенхэм» бош мураббийи Роберто Де Дзерби Мармушнинг хизматларига жиддий қизиқиш билдирмоқда. Яқин кунларда «шпорлар» «шаҳарликлар»га расмий таклиф билан чиқишади. «Манчестер Сити» эса ўз форварди учун тахминан 60 миллион евро талаб қилмоқда.

Шу билан бирга, ушбу вазиятни Бундеслиганинг бир нечта клублари, шунингдек, «Ювентус», «Астон Вилла» ва «Барселона» ҳам диққат билан кузатиб бораётгани таъкидланмоқда.

Якунланган клуб мавсумида 27 ёшли Мармуш барча турнирларда 36 та учрашувда майдонга тушиб, 8 та гол урди ва 3 та голли узатмани ўз ҳисобига ёздириб қўйди.