«Manchester Siti»ning misrlik hujumchisi Omar Marmush faoliyatini «Tottenxem»da davom ettirishi mumkin.
CaughtOffside nashrining xabar berishicha, «Tottenxem» bosh murabbiyi Roberto De Dzerbi Marmushning xizmatlariga jiddiy qiziqish bildirmoqda. Yaqin kunlarda «shporlar» «shaharliklar»ga rasmiy taklif bilan chiqishadi. «Manchester Siti» esa o‘z forvardi uchun taxminan 60 million yevro talab qilmoqda.
Shu bilan birga, ushbu vaziyatni Bundesliganing bir nechta klublari, shuningdek, «Yuventus», «Aston Villa» va «Barselona» ham diqqat bilan kuzatib borayotgani ta’kidlanmoqda.
Yakunlangan klub mavsumida 27 yoshli Marmush barcha turnirlarda 36 ta uchrashuvda maydonga tushib, 8 ta gol urdi va 3 ta golli uzatmani o‘z hisobiga yozdirib qo‘ydi.
