Англия терма жамоаси дарвозабони Жордан Пикфорд Жаҳон чемпионатларида ўтказилган ўйинлар сони бўйича миллий рекордни ўрнатишга яқинлашиб қолди. Бу ҳақда «England Football» нашри хабар бермоқда.

ЖЧ-2026нинг 1/8 финалидан ўрин олган Мексикага қарши учрашув 32 ёшли футболчи учун дунё биринчиликларидаги 17-ўйин бўлди. Бу кўрсаткич бўйича Пикфорд афсонавий Питер Шилтон билан тенглашиб олди. Шилтон ҳам ўз вақтида учта Жаҳон чемпионатида (1982, 1986 ва 1990 йилларда) иштирок этган.

Пикфорд Жаҳон чемпионатларидаги дебютини 2018 йил Россияда ўтган турнирда нишонлаган ва инглизларнинг ярим финалгача етиб боришига ёрдам берган эди. Кейинчалик у 2022 йил Қатардаги мусобақада ҳам жамоа дарвозасини қўриқлади, ЖЧ-2026 да эса Томас Тухель қўл остида асосий дарвозабон мақомини сақлаб қолди.

Мексика билан ўйин дарвозабон учун Англия терма жамоаси сафида йирик халқаро турнирлардаги кетма-кет 29-учрашув бўлди.

Пикфорд ва Шилтоннинг рекордига энг яқин турган футболчи жамоа сардори Харри Кейн ҳисобланади. У Жаҳон чемпионатларида 16 та ўйин ўтказган ва пешқадамлардан атиги битта ўйинга ортда қолмоқда. Маркус Рэшфорд ва Джон Стоунс ҳисобида эса 15 тадан ўйин бор.

Инглизларнинг мундиалдаги навбатдаги рақиби Норвегия терма жамоаси бўлади.