Англиянинг «Ньюкасл» клуби бразилиялик ярим ҳимоячи Бруну Гимараэсни жамоа таркибида сақлаб қолмоқчи. Бу ҳақдаги маълумот билан Mail on Sunday нашри ўртоқлашди.
Манбанинг хабарига кўра, «Ньюкасл» бош мураббийи Эдди Хау Гимараэсни «дахлсиз футболчи» деб ҳисоблайди, бу эса унинг Лондоннинг «Арсенал» клубига ўтиш эҳтимолини деярли йўққа чиқаради.
Бундан олдин ОАВда «канонирлар» 28 ёшли ярим ҳимоячи учун тахминан 80 миллион евро таклиф қилишга тайёр эканликлари ҳақида хабар берилган эди.
2025/26 йилги мавсумда Гимараэс барча турнирларни ҳисобга олган ҳолда 41 та учрашувда майдонга тушиб, 9 та гол урди ва 8 та голли узатма муаллифига айланди. Бразилиялик футболчининг «Ньюкасл» билан шартномаси 2028 йилгача мўлжалланган.
