Португалиялик ҳимоячи Жоау Канселу Саудия Арабистонининг «Ал-Ҳилол» клуби ихтиёрига қайтишдан бош тортди. Бу ҳақда 365Scores нашри хабар бермоқда.
Манбанинг берган маълумотларига кўра, Канселу «Ал-Ҳилол» раҳбариятига Симоне Индзаги бош мураббийлик лавозимидан бўшатилмагунча жамоага қайтмаслигини маълум қилган.
Тахминларга кўра, Канселу шу йўл билан клубни ўзини «Барселона»га қўйиб юборишга мажбур қилмоқчи. Футболчи якунланган мавсумнинг иккинчи қисмини ижара асосида айнан Каталония клубида ўтказган эди.
Бундан олдинроқ, каталонияликлар ҳимоячини ўз сафида сақлаб қолмоқчи эканликлари, бироқ у учун сўралаётган 10 миллион еврони тўлашга тайёр эмасликлари ҳақида хабар берилган эди.
Канселунинг «Ал-Ҳилол» билан амалдаги шартномаси 2027 йилнинг ўрталарига қадар мўлжалланган.
