«Лацио» ҳимоячиси Марио Хила фаолиятини «Милан»да давом эттириши мумкин.
Таниқли инсайдер Николо Скиранинг хабар беришича, яқин икки кун ичида «Милан» ва «Лацио» клублари ўртасида Хиланинг трансфери бўйича тўғридан-тўғри музокаралар бўлиб ўтади. Манбага кўра, римликлар ўз футболчиси учун 30 миллион евро талаб қилмоқда.
Футболчининг ўзи «Милан»га кўчиб ўтишни истайди ва клуб билан 2031 йилгача мўлжалланган шахсий шартнома шартларини келишиб олган. Хиланинг йиллик маоши 4,5 миллион еврони ташкил этади, бунга қўшимча равишда яна бир миллион евро бонуслар кўринишида тўланиши мумкин.
Якунланган мавсумда Хила барча мусобақаларни ҳисобга олган ҳолда 36 та учрашувда майдонга тушди, бироқ бирорта ҳам голли узатма ёки гол муаллифига айлана олмади.
