Жаҳон чемпионатлари тарихидаги энг кўп соврин қўлга киритган терма жамоалар 2026 йилги турнирнинг 1/4 финалида иштирок этмайдиган бўлди.

Бразилия терма жамоаси 1/8 финал учрашувида Норвегияга (1:2) имкониятни бой берди. Жанубий Америка вакиллари Жаҳон чемпионатлари тарихидаги энг кўп чемпион бўлган жамоа ҳисобланади — уларнинг ҳисобида бешта чемпионлик (1958, 1962, 1970, 1994, 2002) мавжуд.

Шунингдек, тўрт карра Жаҳон чемпиони ҳисобланган Германия терма жамоаси ҳам (1954, 1974, 1990, 2014) мусобақанинг ушбу босқичигача етиб кела олмади.

Жаҳон кубогини тўрт бор боши устида баланд кўтарган яна бир жамоа — Италия (1934, 1938, 1982, 2006) эса умуман ушбу турнирга йўлланма ололмаган эди. Италияликлар кетма-кет учинчи марта Жаҳон чемпионатини ўтказиб юборишмоқда.

Бундан ташқари, икки карра Жаҳон чемпиони бўлмиш Уругвай терма жамоаси (1930, 1950) жорий мундиалда гуруҳ босқичидан ҳам чиқа олмади.

Ҳисобида учта чемпионлик унвони бўлган Аргентина терма жамоаси (1978, 1986, 2022) эса бош соврин учун курашни давом эттирмоқда.