Португалия терма жамоаси бош мураббийи Роберто Мартинес Испания терма жамоаси ҳужумчиси Ламин Ямални португалиялик форвард Криштиану Роналду билан солиштириш мумкинми йўқми, деган саволга жавоб берди. Испания ва Португалия терма жамоалари бугун, 6 июль куни Жаҳон чемпионатининг 1/8 финалида ўзаро тўқнаш келишади.
«Улар мутлақо бошқа-бошқа футболчилар. Ламин Ямаль — босимни енгиб ўтиш ва ўйинларда кўплаб вазиятлар яратишга қодирлигини исботлаган жуда ёш ўйинчи. Криштиану Роналду эса — культ даражасидаги шахс, у ҳар хил позицияларга мослаша олади ва учрашув тақдирини ҳал қилувчи футболчига айланиши мумкин», — дея Мартинеснинг сўзларини келтиради «Mundo Deportivo» нашри.
Эслатиб ўтамиз, ЖЧ-2026 мусобақаси 11 июндан 19 июлга қадар АҚШ, Мексика ва Канада майдонларида бўлиб ўтмоқда. Португалия терма жамоаси 1/16 финалда Хорватияни 2:1 ҳисобида мағлуб этган эди.
