Мадриднинг «Атлетико» клуби ва Аргентина терма жамоаси қанот ҳимоячиси Науэль Молина «Наполи»га ўтиши мумкин. Бу ҳақда инсайдер Николо Скира маълумот бермоқда.
Манбанинг хабарига кўра, 28 ёшли аргентиналик футболчи «Наполи»дан таклиф олган. Бироқ ҳозирча томонлар ўртасида ҳеч қандай аниқлик йўқ — Италия клуби «Атлетико» ва футболчининг талабларини билиш учун дастлабки суриштирув ишларини бошлаган, холос.
2025/26 йилги мавсумда Молина барча мусобақаларда жами 46 та учрашувда майдонга тушиб, ўз ҳисобига 2 та гол ва 4 та голли узатмани ёздириб қўйган.
«Transfermarkt» мутахассислари ҳимоячининг трансфер баҳосини 15 миллион еврога баҳоламоқда.
