Madridning «Atletiko» klubi va Argentina terma jamoasi qanot himoyachisi Nauel Molina «Napoli»ga o‘tishi mumkin. Bu haqda insayder Nikolo Skira ma’lumot bermoqda.

Manbaning xabariga ko‘ra, 28 yoshli argentinalik futbolchi «Napoli»dan taklif olgan. Biroq hozircha tomonlar o‘rtasida hech qanday aniqlik yo‘q — Italiya klubi «Atletiko» va futbolchining talablarini bilish uchun dastlabki surishtiruv ishlarini boshlagan, xolos.

2025/26 yilgi mavsumda Molina barcha musobaqalarda jami 46 ta uchrashuvda maydonga tushib, o‘z hisobiga 2 ta gol va 4 ta golli uzatmani yozdirib qo‘ygan.

«Transfermarkt» mutaxassislari himoyachining transfer bahosini 15 million yevroga baholamoqda.