Мексикалик ҳужумчи Сантьяго Хименес Жаҳон чемпионати-2026 доирасида Англия терма жамоасига қарши кечган баҳсда оғир жароҳат олди. «Милан» форварди майдонни мустақил тарзда тарк эта олмади — уни замбилда олиб чиқиб кетишди.
Fox Sports нашрининг хабар беришича, 25 ёшли ҳужумчи саккиз ҳафтагача бўлган муддатга сафдан чиққан. Унга пайларнинг иккинчи даражали чўзилиши ташхиси қўйилди.
Якунланган мавсумда Хименес «россонерилар» сафида 18 та ўйинда майдонга тушиб, ўз ҳисобига битта гол ва учта голли узатмани ёздириб қўйган эди. Мексикалик футболчининг Милан клуби билан шартномаси 2029 йилгача мўлжалланган.
Эслатиб ўтамиз, Италия Серия Асининг янги мавсуми 22 август куни старт олади.
