Нидерландия терма жамоасининг собиқ футболчиси Рональд де Бур Хосеп Гвардиолани «тўқ сариқлар» бош мураббийи сифатида кўришни истамоқда.

Маълумки, Жаҳон чемпионатидаги муваффақиятсизликдан сўнг Рональд Куман Нидерландия терма жамоаси бош мураббийлигидан истеъфога чиққан эди.

«Бу Нидерландия терма жамоаси учун ажойиб иш бўларди, чунки Пеп — идеал фигура. У ўзи бошқарган барча жамоаларга улкан таъсир ўтказа олган. У ҳужумкор футбол услубини тарғиб қилади. Пеп — Кройфнинг шогирди. У голланд футболига нимадир қайтариб бериши мумкин эди. У деярли ҳар бир интервьюсида бугунги даражасига эришишида Кройфдан миннатдор эканини айтади. Гвардиолада ушбу миннатдорчиликни амалда кўрсатиш учун яхши имконият бор», — дея де Бурнинг сўзларини келтиради Foot Mundo.

Эслатиб ўтамиз, Хосеп Гвардиола ўн йиллик фаолиятдан сўнг «Манчестер Сити» клубини тарк этган эди.