Италиянинг «Наполи» клуби 2026/2027 йилги мавсум учун мўлжалланган янги расмий формасини намойиш қилди.

Клуб ижтимоий тармоқда қуйидаги хабарни эълон қилди:

«Бизнинг тарихимиз — махсус тикилган. 19:26».

Ундаги 1926 рақами клуб ташкил топган йилга ишора қилади.

Ўтган мавсум якунларига кўра, «Наполи» А Сериясида 38 та ўйинда 76 очко тўплаб, мусобақани иккинчи ўринда тугатди. Италия чемпиони эса 87 очко билан Миланнинг «Интер» жамоаси бўлди.

3 июль куни Массимилиано Аллегри расман «Наполи» бош мураббийи этиб тайинланди. 58 ёшли мутахассис билан тузилган шартнома 2029 йил июнига қадар амал қилади.

Аллегри ўтган мавсум «Милан»ни бошқарган ва жамоа А Сериясини 70 очко билан бешинчи ўринда якунлаган эди.