Италиялик ярим ҳимоячи Сандро Тонали Лондоннинг «Тоттенхэм» клубига кўчиб ўтди. Бу трансферда «шпорлар» устози — унинг ватандоши Роберто де Дзербининг шахсияти катта рол ўйнади.
«Бу ерда эканлигимдан бахтлиман. Менга жуда ёқяпти, клуб ихтиёрига келишим билан ўзимни яхши ҳис қилдим. Роберто билан тахминан икки соат давомида суҳбатлашдик. Ҳамма нарса ҳақида: клуб, стадион ва футболимиз хусусида гаплашдик. Ушбу суҳбатдан сўнг бу ерга келиб адашмаганимга тўлиқ ишонч ҳосил қилдим. Тезроқ майдонга тушиб, ўйинларни бошлашни интиқлик билан кутяпман», — дея Тоналининг сўзларини келтиради derbyderbyderby.it.
Эслатиб ўтамиз, Сандро «Милан» клуби тарбияланувчиси ҳисобланади, бироқ у сўнгги уч йилни Англиянинг «Ньюкасл» жамоасида ўтказган эди.
