Ярим ҳимоячиси Аксель Витсель Жаҳон чемпионатларида майдонга тушган энг ёши катта бельгиялик футболчига айланди.

У АҚШга қарши бўлиб ўтган 1/8 финал учрашувининг 89-дақиқасида майдонга туширилди. Ўша пайтда у 37 ёш, беш ойлик ва 25 кунлик эди.

Бельгия АҚШни 4:1 ҳисобида тор-мор этиб, турнирнинг чорак финалига йўл олди. Руди Гарсия жамоасининг навбатдаги рақиби Португалияни мусобақадан чиқариб юборган Испания терма жамоаси бўлади.

Жаҳон биринчилигида фақат битта чорак финал жуфтлигини аниқлаш қолди. У 1/8 финал доирасидаги Аргентина — Миср ва Швейцария — Колумбия учрашувлари натижаларига кўра маълум бўлади.

Илк чорак финал баҳси 9 июль куни бўлиб ўтади. Франция терма жамоаси Марокаш билан куч синашади.