Яқин вақт ичида Лондоннинг «Тоттенхэм» клуби «Борнмут»га ҳужумчи Эли Жуниор Крупи борасида расмий таклиф билан чиқади. Бу ҳақда журналист Жеймс Дэвис хабар бермоқда.

Қайд этилишича, «шпорлар» 20 ёшли иқтидор эгаси учун тахминан 100 миллион евро таклиф қилишга тайёрланмоқда. «Тоттенхэм» бош мураббийи Роберто Де Дзерби француз билан шахсан музокара олиб борган, шундан сўнг клуб трансфер жараёнига фаол киришишга қарор қилган.

Аввалроқ Крупининг ўзи ҳам фаолиятини айнан «Тоттенхэм»да давом эттиришни истаётгани, чунки унга де Дзербининг лойиҳаси маъқул келаётгани ҳақида хабар берилган эди.

2025/26 йилги мавсумда Крупи барча мусобақаларни инобатга олган ҳолда 35 та учрашувда майдонга тушиб, 13 та гол уришга муваффақ бўлди.