Yaqin vaqt ichida Londonning «Tottenxem» klubi «Bornmut»ga hujumchi Eli Junior Krupi borasida rasmiy taklif bilan chiqadi. Bu haqda jurnalist Jeyms Devis xabar bermoqda.

Qayd etilishicha, «shporlar» 20 yoshli iqtidor egasi uchun taxminan 100 million yevro taklif qilishga tayyorlanmoqda. «Tottenxem» bosh murabbiyi Roberto De Dzerbi fransuz bilan shaxsan muzokara olib borgan, shundan so‘ng klub transfer jarayoniga faol kirishishga qaror qilgan.

Avvalroq Krupining o‘zi ham faoliyatini aynan «Tottenxem»da davom ettirishni istayotgani, chunki unga de Dzerbining loyihasi ma’qul kelayotgani haqida xabar berilgan edi.

2025/26 yilgi mavsumda Krupi barcha musobaqalarni inobatga olgan holda 35 ta uchrashuvda maydonga tushib, 13 ta gol urishga muvaffaq bo‘ldi.