«Вест Хэм» вингери Крисенсио Саммервилл «Ливерпуль»нинг трансфер рўйхатидан жой олган. Бу ҳақда CaughtOffside нашри хабар бермоқда.

Манба берган маълумотларга кўра, «Ливерпуль» 24 ёшли нидерландиялик футболчига жиддий қизиқиш кўрсатмоқда. Таъкидланишича, мерсисайдликлар Саммервилл трансфери борасида аниқ қадам ташлаб улгуришган. Футболчи Жаҳон чемпионатидаги муваффақиятли иштирокидан сўнг деярли 60 миллион еврога баҳоланмоқда. Шунингдек, «Челси», «Манчестер Юнайтед» ва «Фулхэм» клублари ҳам Саммервиллга даъвогарлик қилмоқда.

Якунланган клуб мавсумида ҳужумчи барча турнирларда 34 та ўйинда майдонга тушиб, рақиблар дарвозасини 7 бор ишғол этди ва 5 та голли узатмани амалга оширди.