Италиянинг «Наполи» клуби 29 ёшли шотландиялик ярим ҳимоячи Скотт Мактоминай билан меҳнат шартномасини узайтиришни режалаштирмоқда. Бу ҳақдаги маълумотни инсайдер Николо Скира эълон қилди.

Манбанинг хабарига кўра, неаполликлар Мактоминейга шартномани яна бир мавсумга узайтириш имконияти билан 2030 йилгача мўлжалланган янги битим таклиф қилишади. Бундан ташқари, «Наполи» футболчининг маошини сезиларли даражада — йилига 4,4 миллион евродан 7 миллион еврогача оширишга тайёр. Бироқ, Мактоминай бир мавсум учун 10 миллион евро маош олишни истаётгани қайд этилган.

Якунланган мавсумда ярим ҳимоячи барча турнирларда 44 та ўйинда майдонга тушиб, 14 та гол урди ва тўртта голли узатмага муаллифлик қилди. Мактоминайнинг «Наполи» билан амалдаги шартномаси 2028 йилга қадар мўлжалланган.