Лондоннинг «Арсенал» клуби «Вест Хэм»нинг ўнг қанот ҳимоячиси Аарон Уан-Биссакага қизиқиш билдирмоқда.
Конго ДР терма жамоасининг 28 ёшли футболчиси жамоа Чемпионшипга тушиб кетганидан сўнг «болғачилар» сафини тарк этиши эҳтимоли жуда юқори. TEAMtalk нашрининг маълумотларига кўра, «канонирлар» «Манчестер Юнайтед»нинг собиқ ўйинчисини шу ёзда сотиб юборилиш эҳтимоли бўлган Бен Уайтга потенциал ўринбосар сифатида кўришмоқда.
Аарон Уан-Биссаканинг бозор баҳоси Transfermarkt экспертлари томонидан 15 миллион еврога баҳоланмоқда. Якунланган мавсумда конголик футболчи Премьер-лигада «Вест Хэм» сафида 25 та ўйинда майдонга тушиб, 3 та голли узатмани амалга оширди.
