Испания терма жамоаси бош мураббийи Луис де ла Фуэнте Португалия билан ўйинда Микель Мерино томонидан урилган ғалаба голи ҳақида ўз фикрлари билан ўртоқлашди.
Жаҳон чемпионати — 2026 нинг 1/8 финал баҳси испанларнинг 1:0 ҳисобидаги ғалабаси билан якунланди. Учрашувдаги ягона тўпни 85-дақиқада захирадан майдонга тушган Мерино киритди.
«Мен унга шунчаки ўз футболини ўйнаши кераклигини айтдим. Унинг учун жуда хурсандман. Микель билан ўртамизда алоҳида боғлиқлик бор, чунки биз бир-биримизни анчадан бери таниймиз. У мени ҳеч қачон уятга қолдирмаган (панд бермаган) жаҳон даражасидаги футболчидир», — дея мураббийнинг сўзларини келтиради Voetbal International нашри.
Жорий Жаҳон чемпионатида Мерино барча бешта учрашувда майдонга тушди ва битта гол урди. Чорак финалда Испания Бельгияга қарши баҳс олиб боради.
