Ispaniya terma jamoasi bosh murabbiyi Luis de la Fuente Portugaliya bilan o‘yinda Mikel Merino tomonidan urilgan g‘alaba goli haqida o‘z fikrlari bilan o‘rtoqlashdi.
Jahon chempionati — 2026 ning 1/8 final bahsi ispanlarning 1:0 hisobidagi g‘alabasi bilan yakunlandi. Uchrashuvdagi yagona to‘pni 85-daqiqada zaxiradan maydonga tushgan Merino kiritdi.
«Men unga shunchaki o‘z futbolini o‘ynashi kerakligini aytdim. Uning uchun juda xursandman. Mikel bilan o‘rtamizda alohida bog‘liqlik bor, chunki biz bir-birimizni anchadan beri taniymiz. U meni hech qachon uyatga qoldirmagan (pand bermagan) jahon darajasidagi futbolchidir», — deya murabbiyning so‘zlarini keltiradi Voetbal International nashri.
Joriy Jahon chempionatida Merino barcha beshta uchrashuvda maydonga tushdi va bitta gol urdi. Chorak finalda Ispaniya Belgiyaga qarshi bahs olib boradi.
