Испания терма жамоаси бош мураббийи Луис де ла Фуэнте Португалия устидан қозонилган ғалабали ўйинда ярим ҳимоячи Родри Эрнандеснинг кўрсатган ўйинини юқори баҳолади.
Жаҳон чемпионати — 2026 нинг 1/8 финал учрашуви испанларнинг 1:0 ҳисобидаги ғалабаси билан якунланди ва бу жамоага чорак финалга йўл олиш имконини берди.
«Родри — жамоамизнинг бош мотори. У бизга мувозанат (баланс) тақдим этади ва ўз позициясида дунёнинг энг яхши футболчиси ҳисобланади. Унинг ортида эса бизда Мартин Субименди бор — у дунёда иккинчи энг зўри», — дея де ла Фуэнтенинг сўзларини келтиради Voetbal International нашри.
30 ёшли Родри жорий Жаҳон чемпионатида Испания терма жамоасининг барча бешта учрашувида майдонга тушди, бироқ самарали ҳаракатлар билан ажралиб туролмади.
