Лондоннинг «Арсенал» клуби Мадриднинг «Реал» клуби марказий ҳимоячиси Рауль Асенсиога қизиқиш билдирмоқда.

23 ёшли футболчининг келажаги ноаниқлигича қолмоқда, чунки миш-мишларга кўра, клуб унга унчалик ишонч билдирмаяпти. ESPN хабарига кўра, «канонирлар» испаниялик футболчини ўз шоpт-листига киритишган — унда Бен Уайтга потенциал ўринбосар кўришмоқда.

Рауль Асенсио ўтган мавсумда «қаймоқранглилар» сафида 34 та ўйинда майдонга тушиб, 2 та гол ва 1 та голли узатмага муаллифлик қилди. Transfermarkt талқинига кўра, футболчининг бозор қиймати 20 миллион еврони ташкил этади, унинг амалдаги шартномаси эса 2031 йилгача мўлжалланган.