АҚШ терма жамоаси футболчиси Малик Тильман жамоасининг турнирдан чиқиб кетишини олдини ололмаган бўлса-да, жаҳон чемпионати рекордини такрорлади.
Учрашувнинг 31-дақиқасида «Байер» ярим ҳимоячиси Белгия терма жамоаси дарвозасини жарима зарбасидан тўғри йўлланган зарба билан ишғол қилди — у қаторасига иккинчи ўйинда шундай тарзда гол уришга муваффақ бўлди (бундан олдин Босния ва Герцеговина терма жамоаси ундан жабр кўрган эди). Opta маълумотларига кўра, Тильман битта жаҳон чемпионати доирасида тўғридан-тўғри жарима зарбасидан иккита гол урган тарихдаги иккинчи футболчига айланди. Буни биринчи бўлиб олис 1982 йилда француз Бернар Женгини уддалаган эди. Ушбу статистика 1966 йилдан буён юритиб келинади.
АҚШ терма жамоаси 1/8 финалда бельгияликларга 1:4 ҳисобида имкониятни бой бериб, ўз уйидаги мундиалда иштирокини якунлади.
