Кабо-Верде терма жамоаси дарвозабони Возинья ва Аргентина терма жамоаси етакчиси Лионель Месси ўзаро ўйиндан сўнг нима ҳақида гаплашган бўлишлари мумкинлиги маълум бўлди. Эҳтимол, Месси Возиньяга уни «Интер Майами» таркибида кўришдан хурсанд бўлишини шама қилган. Бу ҳақда Италиянинг «Милан» клуби собиқ ярим ҳимоячиси Родни Страссер ўз ижтимоий тармоқларида маълум қилди.
Унинг сўзларига кўра, турнир бошланишидан олдин Возинья унга клуб топишда ёрдам беришни сўраб мурожаат қилган. Страссер эса унга бу ҳақда ўйламай, бор эътиборини жаҳон чемпионатига қаратишни маслаҳат берган, деб хабар қилмоқда derbyderbyderby.it. Шунингдек, Италия клубининг собиқ ўйинчиси Возиньяни жаҳон чемпионатининг энг яхши дарвозабони деб ҳисоблайди.
