Англия Мексикани мағлуб этди (3:2). Ҳужумчи Харри Кейн ўйин ҳақидаги фикрлари билан ўртоқлашди.
«Бу ақлдан озган ўйин бўлди. Биз курашишимиз ва вазиятдан чиқиш йўлини излашимизга тўғри келди. Ҳозиргина қўшиқ айтаётгандим, тузукроқ гапира олмаяпман. Рақибга ва барча ҳолатлар бизга қарши бўлганига қарамай, биз ғалаба қозониш йўлини топдик», — деди Кейн.
Харри Кейн «Бавария» таркибида ёрқин мавсумни ўтказди. Ҳужумчи жамоасига Бундеслига, Германия Кубоги ва Суперкубогида ғолиб чиқишга ёрдам берди. Шунингдек, мюнхенликлар Чемпионлар лигасининг ярим финалига қадар етиб боришди. Англия терма жамоаси 1/4 финалда Норвегия билан ўйнайди.
