Бразилия терма жамоаси таркибида 1994 йилги жаҳон чемпиони бўлган Ромарио ЖЧ 1/8 финалида бразилияликларнинг Норвегиядан учраган мағлубиятидан (1:2) сўнг, ҳужумчи Эндрикни кескин танқид қилди.

«Менга Эндрик ёқади ва у бизга ҳали кўп қувонч келтирадиган футболчи бўлади, аммо Норвегияга қарши баҳсда у даҳшатли даражада ёмон ҳаракат қилди. Кейин одамлар: "Ахир у ҳали ёш-ку", дейишади. Бу гаплар кимга керак? У ўша лаънати голни уриши шарт эди. Ёшми, ўрта ёшлими, қарими — менга фарқи йўқ», — дея Ромарионинг сўзларидан иқтибос келтиради Marca.

19 ёшли Эндрик ЖЧ-2026 турнирида 4 та ўйинда жами 111 дақиқа ҳаракат қилди ва бирорта ҳам натижали ҳаракат амалга ошира олмади. У фаолияти давомида миллий терма жамоа либосида 21 та ўйин ўтказиб, 4 та гол урган ва 2 та голли узатмани амалга оширган.