Аргентина терма жамоаси ҳужумчиси Лионель Месси ЖЧ-2026 1/8 финалида Миср терма жамоаси устидан қозонилган иродали ғалаба (3:2) ҳақида фикр билдирди.
Аргентиналиклар 79-дақиқагача 0:2 ҳисобида мағлуб бўлишаётган эди, бироқ ҳисобни тенглаштириб, ғалабани илиб кетишга муваффақ бўлишди.
39 ёшли Месси учрашувда пенальтидан унумли фойдалана олмади, аммо битта гол урди, голли узатмани амалга оширди ва баҳснинг энг яхши ўйинчиси деб топилди.
«Биз уйга қайтишни хоҳламагандик ва бунга лойиқ ҳам эмасдик. Ҳаммаси мана шундай якунланишига йўл қўя олмасдик. Бу жамоа курашни давом эттиришга ҳақиқатан ҳам лойиқ эди. Биз ҳеч қачон таслим бўлмаймиз. Ҳеч қачон», — дея Мессининг сўзларини келтиради журналист Фабрицио Романо.
