«Пари Сен-Жермен» дарвозабони Люка Шевалье ёзги трансфер ойнасида клубни тарк этмайди, дея хабар берди Canal+.

Манба берган маълумотларга кўра, 24 ёшли француз бош мураббий Луис Энрике билан бир нечта суҳбатлар ўтказган. Испаниялик мутахассис футболчини унга ишонишига ишонтирган, шундан сўнг Шевалье жамоада қолиш ва россиялик Матвей Сафонов билан асосий дарвозабон мақоми учун курашишга қарор қилган.

Шевалье ўтган ёзда 40 миллион евро эвазига «Лилль»дан «ПСЖ»га ўтган эди ва 2025/26 йилги мавсумни асосий голкипер сифатида бошлаганди. Аммо мавсум давомида у рақобатда Сафоновга имкониятни бой бериб қўйди, шу сабабли Франция терма жамоасининг ЖЧ-2026 учун қайдномасидан жой ололмади.

Шевалье «ПСЖ» сафида 26 та ўйинда майдонга тушиб, ўз дарвозасидан 28 та гол олиб чиқди. 10 та учрашувда у ўз дарвозаси дахлсизлигини сақлаб қолган.