«Тоттенхэм»нинг 20 ёшли швециялик ярим ҳимоячиси Лукас Бергвалль Англия Премьер-лигасининг бошқа жамоасига ўтиши мумкин. Бу ҳақда инсайдер Экрем Конур хабар бермоқда.

Манбанинг маълум қилишича, «Ноттингем Форест» марказий ярим ҳимоячини ўз сафига қўшиб олишга қизиқиш билдирмоқда. «Шпорлар» ўз футболчисини 52,7 млн евро ҳамда кейинги трансфердан фоиз эвазига қўйиб юбориши мумкинлиги айтилмоқда.

Агар манбага ишонадиган бўлсак, Бергваллнинг ўзи доимий ўйин амалиётига эга бўлишни хоҳлагани учун янги жамоага ўтишга тайёр.

Якунланган мавсумда Бергвалль барча турнирларда 33 та ўйинда майдонга тушиб, битта гол урди ва 5 та голли узатма муаллифига айланди.