«Tottenxem»ning 20 yoshli shvesiyalik yarim himoyachisi Lukas Bergvall Angliya Premyer-ligasining boshqa jamoasiga o‘tishi mumkin. Bu haqda insayder Ekrem Konur xabar bermoqda.
Manbaning ma’lum qilishicha, «Nottingem Forest» markaziy yarim himoyachini o‘z safiga qo‘shib olishga qiziqish bildirmoqda. «Shporlar» o‘z futbolchisini 52,7 mln yevro hamda keyingi transferdan foiz evaziga qo‘yib yuborishi mumkinligi aytilmoqda.
Agar manbaga ishonadigan bo‘lsak, Bergvallning o‘zi doimiy o‘yin amaliyotiga ega bo‘lishni xohlagani uchun yangi jamoaga o‘tishga tayyor.
Yakunlangan mavsumda Bergvall barcha turnirlarda 33 ta o‘yinda maydonga tushib, bitta gol urdi va 5 ta golli uzatma muallifiga aylandi.
